Soi de Verdicionací a la vera
del Cabo Peñes,
xunta la mar;
non hai tocimus
na mio panera,
pero hai gabitos
au los colgar.
Dispiertu al riscar el alba,
tiro un blincu del xergón;
y voi a coyer les berces
pa char con fabes y con llacón.
Si una vez, o dos, o tres,
baxo a la villa al mercáu,
todos me miren de llau
y dicen “Neña, ¡qué guapa yes!”
Tengo un mozacu
que me corteya
y que me plizca
si-y fau rabiar,
que, al veme, berra
como una oveya.
porque conmigu
se quier casar.
El diz que de molineru
gana todu cuantu quier
y que si non ye primeru
seré, en Xineru, la so muyer.
Si una vez, o dos, o tres,
baxo a la villa al mercáu,
todos me miren de llau
y dicen “Neña, ¡que guapa yes!
